6COREÓGRAFAS
FESTIVAL DA ESTRADA DE DANZA E ARTES DO MOVEMENTO
2022 # 2021 # 2020
 

PROGRAMA 2022

 

Iniciado no 2020 como un proxecto de reactivación e impulso ás artes escénicas, Paula Quintas presenta a continuidade do proxecto nesta segunda edición, con formato de festival, co-organizado co Concello da Estrada e apoiado por  Agadic · Xacobeo 21-22 · Xunta de Galicia

(Para as actividades do Teatro Principal haberá que retirar un convite no departamento de Cultura 986 57 00 30 aestradacultura@gmail.com)

Venres 29 de abril

·20:00h · Alameda Municipal

(en caso de choiva trasládase ao local da Praza do Mercado)

SET de PAULA QUINTAS CÍA

Captura de pantalla 2022-04-19 a las 16.30.35.png

 

SET é unha peza multidisciplinar onde a danza contemporánea e a música en directo xogan un espazo compartido. Novos comportamentos e cinética social onde a protección é  invisible como mediador da distancia social. A través da tecnoloxía e os límites sociais SET propón un xogo interactivo sen contacto. Playing experience! #Playingexperience #Playinglimits

Dirección: Rut Balbís

Creación: Rut Balbís e Paula Quintas

Intérpretes: Paula Quintas e Nacho Muñoz

Música orixinal: Nacho Muñoz

Vestiario: Fany Bello

Vídeo e fotografía: Ángel Sousa, Manuel Vicente e Margherita Morello

Produción: Galicia Danza Contemporánea

Coa colaboración de: Centro Sociocultural Almáciga · Concello de Santiago de Compostela e NORMAL · Universidade de A Coruña

Venres 29 de abril

·21:00h · Teatro Principal

PINK UNICORNS de LA MACANA

Captura de pantalla 2022-04-19 a las 16.30.10.png

 

O punto de partida da nova creación de La Macana en colaboración con  Samir Akika é un reto, o reto de por en escena a un pai co seu fllo adolescente. O primeiro, un galego de orixe cubano que na súa amplia experiencia como bailarín nunca tivo que enfrontarse a un maior desafío que bailar cun compañeiro máis cercano. Pola outra banda, un espléndido, atlético e creativo rapaz de catorce anos, cheo de enerxía e de ganas de confrontar a súa perspectiva “millennial” co seu querido pai.

 

 

Dirección artística: Caterina Varela, Samir Akika & Alexis Fernández

Intérpretes: Alexis Fernández & Paulo Fernández

Deseño de espazo: Tilo Schreieck

Deseño de iluminación: Afonso Castro

Dirección de produción: Caterina Varela

 

 

Unha produción de LA MACANA

Coprodución con AGADIC (ES), THEATER IM PUMPENHAUS (DE), THEATER BREMEN (DE).
Residencias de creación: FUNDACIÓN LUIS SEOANE (A Coruña), PUMPENHAUS (Münster), THEATER BREMEN.

Sábado 30 de abril

·20:00h · Alameda Municipal

(en caso de choiva trasládase ao local da Praza do Mercado)

PEL CONTINUA de PISANDO OVOS

Captura de pantalla 2022-04-19 a las 16.30.40.png

 

Siempre me dan lo que quiero, 

chingan cuando yo les digo, 

ninguna me pone pero

Quiere que la cambie de posicione'

Y le gusta y disfruta

Duro quiere que le dé

Siempre he sido una dama

Pero soy una perra en la cama.

Semella que o consumo de cancións como estas están máis que aceptadas na nosa sociedade, sobre todo entre o mundo adolescente, porque? que teñen de atractivo? Unha violencia invisible que seguro vai impregnarse baixo a pel das nosas e dos nosos mozos e que, por suposto, deixará pegada na construción da súa identidade sexual e na forma de relacionarse.

 

PEL CONTINUA é unha performance que foi creada para o programa Mulleres en Acción - Violencia Zero da Deputación de Pontevedra no 2021 e destinada ao público adolescente. Co foco posto neste grupo de poboación, ten a intención de sensibilizar e convidar á reflexión a todo o público asistente na loita contra a violencia machista dende a expresión do corpo e as artes vivas. 

 

 

Creación e interpretación: Rut Balbís

Foto: Rosa González

Co apoio de: Deputación de Pontevedra

Sábado 30 de abril

·21:00h · Teatro Principal

MORTAIS E VULNERABLES de FURIA SOTELO

Captura de pantalla 2022-04-19 a las 16.30.29.png

Mortalidade e vulnerabilidade como aquelo que nos une, aquelo común a tódolos corpos, a tódalas existencias. Un corpo como tódolos corpos; na súa particular e única materialización. Unha existencia que se constrúe en relación. Sempre a mútua referencia, sempre a interdependencia, o alimento, o colo, a entrega. As gretas da fraxilidade creadas polo desexo. O teu desexo fortaléceme, o meu desexo vulnerabilizame ante ti.

 

«Mortais e vulnerables» encabeza un artigo de Efigenio Amezúa, un dos pais da sexoloxía en España e director do Instituto de sexoloxía Incisex. Instituto onde Nuria Sotelo realizou o Master en sexoloxía que lle abriu novos conceptos, mudou moitos confusos e abriulle a ollada a un novo xeito de analizar a realidade dos suxeitos sexuados e as súas relacións. Inevitablemente, o facer artístico de Nuria Sotelo está impregnado de esta nova perspectiva

 

 

Creación: Nuria Sotelo, Beatriz Palenzuela e Rafael de la Lastra

Dirección e coreografía: Nuria Sotelo 

Intérprete: Alejandra Balboa

Asistentes de coreografía: Alejandra Balboa, Beatriz Palenzuela e Rafael de la Lastra 

Colaboracións: Mónica garcía, Nacho Cárcaba, Elisa Medina Hudgins

Son: Mounqup 

Deseño Iluminación: Del Ruiz

Fotografía: Rubén Vilanova

Vídeo: Carlota Mosquera e Rubén Vilanova

OBRADOIROS

Sábado 30 de abril

(Para as inscricións dos Obradoiros haberá que enviar unha solicitude ao departamento de Cultura 986 57 00 30 aestradacultura@gmail.com)

 

·Nuria Sotelo. Para maiores.

De 10 a 11:30h

Obradoiro dirixido a persoas con interés na danza e sen límite de idade.

Usaremos varas de bambú como ferramenta para traballar tres niveis de relación: unha mesma, con outra, co grupo.

Por unha banda a relación co propio corpo, ampliando as posibilidades de movemento e explorando a relación entre o noso lado esquerdo e  dereito..

Pola outra xogaremos en parellas, observando a nosa relación co dar e o recibir segúndo coa persoa coa que traballemos, e creando unha linguaxe coreográfica propia en cada sinerxia. Finalmente traballaremos en grande grupo, potenciando a atención e o traballo disociativo da lateralidade así coma o xogo e construcción coreográfica colectiva.

·Alba Fernández Cotelo. Para estudantes de danza: Explorando camiños

De 17 a 18:30h

A primeira parte do obradoiro será de exploración de ferramentas corporais de danza contemporánea e urbana (disociacións, traballo de conciencia corporal e técnica de chan). Na segunda parte do obradoiro, poremos en práctica o aprendido con pautas de creación coreográfica e improvisación.

La Macana
press to zoom
Paula Quintas Cía
press to zoom
Encontro co público
press to zoom
1/4
TIRA LOGOS 2022.jpg