​​Intempestiva de Elahood (Galicia)

17 minutos

Dirección e interpretación: Sabela Domínguez e Julia Laport
Dramaturxia: Gena Baamonde

Música: LLXNTO & Bruno Baw

​

Inspirada na obra e na figura da recoñecida autora Xela Arias (Premio Letras Galegas
2021), Intempestiva é un retrato en movemento da axitación creativa das novas
xeracións. Un xogo de identidades para cuestionar qué significa facer algo de
proveito.

Primeiro Premio e Premio da Crítica no Certamen Coreográfico de Madrid
(2021) Premio a Mellor Espectáculo na Plataforma Diálogos Contemporáneos do
Festival DZM de Cáceres (2021).

​

​

Mesura de Raquel Ferradás (Galicia)

19 minutos

Dirección e interpretación: Raquel Ferradás

Produce: AMARELO

Acompañada co programa Da Man de AMARELO e Manu Lago patrocinados pola Xunta de Galicia a través do Centro Coreográfico Galego. 

​

A vida fala e estamos en constante cambio, na búsqueda do equilibrio, sen
pasarnos de máis nin de menos. MESURA báilalle á espera en diferentes
momentos da miña vida. E en xeral, á inquietude e preocupación que
xenera. Soster, refuxiarse no movemento, adaptarse ás transicións (ás veces
de forma automática, outras máis consciente) e avanzar.
Comezar de cero é sobrevivir no presente. Non hai pasado no
cero. Hai que saber convivir coa espera para ver o mundo aos ollos.

​

​

Minguantes de La Guajira (Galicia - Cuba)

15 minutos

Autoría, interpretación e dirección: Armando Martén e Ana Beatriz Pérez
Espazo sonoro: Ismael Berdei

Texto en off: Rocío González
Vestiario: Ruth D. Pereira e Santos Salgado

 

Minguantes é unha peza que se adentra no universo temporal de dúas persoas que
van envellecendo. Corpos que surcan o terreo dos cambios, onde todo parece ir
máis de prisa que de costume e xa correr quizá no é unha opción, outra galaxia lles
espera. Desde unha perspectiva minimalista e futurista, presentase o corpo como
máquina motora irremplazable, engrenaxes con data de caducidade, erros no
sistema operativo, o eterno debate entre o querer e o poder, e a pesar de todo
continuar.
O menos que poderían facer é deterse a contemplar o mundo, o máis que desexan,
é seguir andando.

 

​

Dance Join de Marta Alonso (Galicia)

20 minutos. Pre-estrea

​

Dirección e interpretación: Marta Alonso Tejada
Escenografía: Osa + Mujika

​

Dance Join, “únete a bailar”, é un espectáculo interactivo de danza mesturada co
traballo de clown para espazo non convencional: rúa e interior.
Compartirá con todxs nos nas rúas da Estrada a pre-estrea deste novo espectáculo en
proceso de creación.​​

​

​